1-الفيسبوك اشترى الخدمة لانها الاسرع فى الانتشار حيث انه زاد 250 مليوت مستخدم فى اخر 9 شهور
2-من عوامل النجاح هو سهولة الاجراءات حيث انه لا يوجد اسم مستخدم وكلمة مرور و الذى فى حالة فقدان كلمة المرور سيجعل من الصعب على اى شخص العودة سريعا الى التطبيق.
3-جان "مؤسس التطبيق" وصل امريكا كولد مهاجر عنده 16 سنة وكانت احدى رغباته فى التطبيق "فكرته"هى سهولة التواصل مع اهله فى روسيا واوكرانيا ..ولدته ماتت مريضة بالسرطان بعد وفاة والده بـ 3 سنين وكان عايش على نظام معونة food stamps.
4-انتشار التطبيق حصل بدون دفع مليم فى التسويق او العلاقات العامة ..الموضوع اعتمد على خدمة العملاء باقصى درجة ..وانتشر الموضوع من خلال عميل سيعد بالخدمة لعميل اخر ..على الرغم من ظهور اكثر من منافس استثمر مبالغ فى التسويق اكتر من استثماره فى المنتج.
5-الشركة فيها حوالى 50 موظف "مهندسين وخدمة عملاء" بس
6-الفيسبوك مهتم بالتطبيقات المنفصلة عن الفيسبوك اللى تحقق رؤيته "جعل العالم مرتبط" وبشكل اخر مرتبط بيه
7-الفيسبوك "مقدرش ينجح النجاح المتوقع" لما عمل تطبيقين
Facebook Home & Facebook Paper
8-جان "مؤسس التطبيق" اشتغل فى الياهو فى قسم الاعلانات..حاول يشتغل فى الفيسبوك فى الاول واترفض ..وحاول يشتغل فى تويتر واترفض
9-واتس اب يمتلك قاعدة بيانات تحتوى على مستخدمين "نشطة" لا يستطيع الفيسبوك الوصول اليها مثل كبار السن الذين لا يفضلون ولا يحبون سوى التواصل السريع بدون اى اضافات اخرى.
10- التطبيق بيستعمل حوالى 50 مليون رسالة ..ودا اكتر من عدد الرسائل المرسلة من جميع شركات الاتصلات فى العالم.
11- عدد المهندسين دلوقتى 35 يعنى تقريبا كل مهندس بيخدم 14 مليون مستخدم نشط.
12-جان "مؤسس التطبيق" كان بيشتغل من فترة على ترجمة البرنامج لاكثر من 27 لغة اخرى.
13-تطبيق الواتس اب "مش مجانى" المفروض انك بتشتغل عليه سنة مجانا وتشتريه بعد كده بـ 1 دولار.
14-مارك اعلن ان تطبيق الواتس اب هيساعده فى مشروعه الجديد
internet.org
15-فى 2011 الفيسبوك اشترى تطبيق Beluga الخاصة بالرسائل وبعدها قفله ..بس دا مش هايحصل مع واتس اب والتطبيق هايكمل عادى.
16- تطبيق الواتس اب اللى بقاله دلوقتى 5 سنين قدر يخلى سعره اكبر بكتير من شركات كبيرة معروفة وموجودة من زمان زى
The Gap - Marriott International - MGM Resorts - Xerox
17-جان كووم "مؤسس التطبيق" برضه ساب المدرسة.
18-فكرة التطبيق فى الاول كانت اظهار الحالة "بتاعت كل شخص فى عنوانين الاسماء" ..زى انا فى الجيم ..البطارية هاتفصل..وهكذا
19-جان كان قرر فى وقت انه هايقفل التطبيق وصاحبه خلاه يتراجع..وبعدها ظهرت خدمة ارسال التنبيهات Push Notification ..وابتدت الفكرة تاخد محور تانى
20- بخلاف المبالغ الماليه ..حان كووم "مؤسس واتس اب" هايصببح
Board Member مع مارك فى الفيسبوك.
-الناس اللى بتقول على الرقم اللى الفيسبوك اشترى تطبيق الواتس اب جنان..افتكروا ان مايكروسوفت اشترت "ايميل الهوتميل فى 1997 بـ 400 مليون, ودا كان وقتها جنان ...دا غير ان AOL, or America Online اشترت شركة ICQ برضه بـ 400 مليون وكان برضه جنان وقتها.
-الصفقات اللى بتفشل معظمها بيكون بين شركتين ملهمش علاقة ببعض ..زى ما حصل وشركة eBay اشترت تطبيق Skype وفشلت انها تعمل منه حاجة لانه كان بعيد عنها ..بعكس اللى حصل لما مايكروسوفت اشترته.
-
الواتس اب حل مشاكل كبيرة شركات الاتصالات اهملتها عن قصد
سعر الرسائل غالى ..ولم يتم تقليل التكلفة بالشكل المناسب مع عدم تطوير الخدمة
شركات الاتصالات بتتعامل مع سفر العملاء لبلاد خارجية باضافة سعر اضافى عن السعر العادى
العملاء بتحتاج تدفع مبالغ اضافية فى حالة انهم حابين يبعتوا رسائل جماعية "جروب شات".
شركات الاتصالات لم تهتم بتطوير الخدمة واضافة مميزات على الرغم من تطور الامكانيات والمكاسب.
مفيش حد بينام هو بيفكر يا ترى هايشوف اعلانات ايه بكرة...ومفيش حد بينام ويقوم يدور على اعلان جديد.
لما بتتعمد على نظام الاعلانات انت بتعتبر عملائك مجرد منتجات.
جان كووم "مؤسس واتس اب".
الصورة كان جان حاططها دايما قدامه على مكتبه علشان تفكره بهدفه.
